بسم الله اخوتي واخواتي شركة الميغ شركه استغلالية لأبعد الحدود وما عندهم شرف مهنة ولا شي مستعدين يبيعو شرفهم بالمصاري بكل سهولة انا شخص صرلي بالميغ اربع سنين وبعرف كل شي فيه والكل بيعرف مين انا وحابب احكي عن هالشركه بتعاملي معهم دخلت لجواتهم وعرفت مين هنة مجموعة من الأسيويين الي مو معروف كل واحد قرعة ابوه منين مجتمعين على برنامج شارينو من مبرمج امريكي وعم يتسغلو البشر فيه اول شي كل يوم في جفتات جداد تقريبا وكل يوم مسابقة جديده لإرسال جفت معين بتمنى من الكل ما ينضحك عليكم بهالخزعبلات وما حدا يصرف مصاريه على هيك شغلات تافهة بقصد الربح لأنو فعليا انت لو بدك تربح بدك تحط فوق ال 50 دولار جفتات لحتى تربح ال 50 دولار (هاد اذا ربحت ) ولا شغلة الأفاتر بصراحة هنة تركو كل شي تحديثات مهمة وركدو ورا الي بتجبلهم مصاري مثلا تركو ثغرات الاختراق مفتوحة مشان الناس تخترق بعضها ( وبصراحة لقيتهم مو مهتمين بهالموضوع خالص واكتشفت انو من مصلحتهم هالشي ) واخترعو شغلة الافاتر لحتى آل تعمل شخصية الك كرتونية وصارو يعملو مسابقات عليها برأيي كل شي بيدفع مصاريه لهيك شغلات بكون ما بيفهم عندكم كمان شغلة حرق النك وفك الحرق في بعض ستافات بتقبض مصاري لتحرق وبعضها بيقبض ليفك حرق وهنة بالحقيقة نظامهم بالعمل هو انو ( كل واحد يعمل الي بريحو المهم تجيبو مصاري لالنا كلنا ) وكمان لو مهما كان الشخص ابن حرام بالميغ وكان مرشنت ما رح يحترق اسمه ولو احترق ( بطلب من مرشنت اكبر منو ) رح يرجع تاني يوم ( هيك بيكونو رضو الطرفين ) الي احترق اسمو بقولولو اشتري رصيد بيرجع اسمك اما المستخدمين العاديين الهم الله والمرشنت ما الو عندهم جنس الاحترام والاحترام بكون لمصاريه وبس يعني لو كان في مضاربات بالأسعار ما بهمهم المهم ابعتولنا مصاري وعلى فكرة ما في شي اسمو قانون عند الشركه القانون شي غير موجود ابدا من فترة طالعو قوانين مشان الالوان وهيك كل هالقوانين هي عالزبالة وكل فترة آل بيعملو استطلاع رأي واسئلة بس كلو حكي فاضي وعلاك مصدي الشركه هي بدها مصاري وبس عطيهم مصاري بتعمل الي بدك ياه وبصير عندك قوة كبيرة بالميغ ما حدا بيقدر يوقفك وبتقدر على أي حدا فيه الي بدي ياه منكم انو ما تهدرو مصاريكم على جيفتات مشان مسابقة او افاتر لأنو كلو كزب بكزب شوفو الستافات حتى على طول بقولولك جيفت مي جيفت مي ( طبعا بدهم ياك ترسل جفتات بأكبر قدر ممكن ) كمان ضحكو عالناس بشغلة الليفل وصارو يقولو الي ليفلو عالي رح يمتلك قوة الآدمن مشان الناس طبعا تدخل ليل نهار وتبعت اد مافيها جفتات وغيرو وتصرف اد ما فيها مصاري عالميغ وبالآخر المستخدم مو مستفيد اي شي من الليفل ابدا ونهائيا غير انو آل بيعمل روم بيساع اكتر كتير ناس عم تعمل اهمية ل الليفل وما بعرف ليش كمان شغلة كتير مهمة لا تصدقو القصص الي كاتبينها بالموقع تبعهم اني انا بربح 6000 دولار بالشهر انا مربحي الصافي ما بيتعدى الألف دولار مع اني اقل شي بشتري بعشر آلاف دولار بالشهر كلو كزب بكزب وعم يضحكو عليكن بهالحكي الي بدو يصير مرشنت هلأ بعد ما الاسعار صارت بالأرض ما رح يتسفيد الا بشي قليل كتير
بتمنى يكون هالموضوع مفتوح للنقاش وانا ما بعرف شو قول بعد ما عملت لهالشركه الي ما بتستحق ابدا عملت موقع لالهم بس رح اعمل من هالموقع منارة للحق بهالبرنامج
مشكووووووور اخي مصطفى على هالموضوع الحلو والهام بس مو كأنو اتأخرت فيه شوي كان لازم من زمان وانا بأيدك بهالحكي 100% وانشالله المشتركين يتفهموا هالموضوع منيح شكرا للكل
مشكور مصطفى الغالي .منشان موضوع الربح للمارشانت معك حق شغلة صايرة مضاربة ومو جايبة هما.وشغلة الليفل كمان شاغلة فكر الكل على كل حال المغ وسيلة ظريفة لاتواصل مع رفقاتي ولازم هالبرنامج ما يتعدة حجمو واهميتو اكتر من جرد التواصل.
اي والله كلامك جواهر يا نايت شركة الميغ شركة استغلالية لأبعد الحدود و هدفا المصاري وبس وإذا بيطلع بإيدن يبيعونا ما بقصرو ههههههههه وكل فترة بنزلو شغلة جديدة مشان يلهو الناس وبضحكو عليهن بس مشان يسحبو مصاري منن
كووووووووووووول مان يسلم تمك يوم عن يوم عم يزيد أحترامي ألك مو لأنك مرشنت طبعا ولا لأنك المسؤول عن المشاكل ب الميغ بسوريا بحترمك بس لأنك مصطفى يعني اذا مننظر للموضوع من ناحيه 2 مين لضحك ع وساخة الشركه و مين خلا كل لستافات تجي تبوس سباطو يعني انت من لقلال لعرفت وساختن لهدول الاندنسيين لبشتغلو خدامين ببيوتنا ( لاحدا يقول عني متعصب عرقي ) انا نحرق نكي كذا مره المهم كنت روح لعند لستاف قلو نحرق نكي وانا مرشنت ممكن ترجع النك كان يقلي خلي كبير المرشنت ب دولتك يحكيني قال لأن انا لا اصلح لأكون مرشنت وقال انا تحت المستوا المطلوب لأحكي معو بعتبارو هوي ستاف >>>>>لستاف بنظرو هوي الطبقه المخمليه لبيحلم الناس بالميغ كلو انو يمتلكواااا بعتبار ب ضغطت زر بكون النك not active في احد اصدقائي من الميغ اغلبيتكن بتعرفو بس ما بدي اذكر اسمو المهم هل حكي من شي تسع شهور كان لفلو هوي شي 16 اجا لعندي قلي لوسفر ممكن تعرفني ع شي ادمن صاحبك المهم عرفنا بعد يومين ممكن تلاته صار بيفه ب الميغ اكتر وعرف انو في شي اسمو ستاف كمان رجع لعندي قلي ممكن تعرفني عشي ستاف صاحبك ( ع اساس انا يعني الكل ب الكل وبعرف الكل و الكل بدي رضاي خخخخخ) قلنالو تكرم عينك عطيناه اسماء لستاف وقلنالو روح قلو انا صاحب لوسفر انجل يوم بعد يوم هل شب تعلم عن الشركه واسلوب عملها وانو بدك اسباب لتحرق ومن هل حكي الفاضي هاد الشب في واحد جعزو ب الميغ ووعدو يحرق نكو راح لعند ستاف قلو هيك هيك القصه رد عليه لستاف قلو بعتلي 100دولار وعتبرو نحرق قام هاد الاجدب بعتلو 100دولار وحرقو للنك هداك شو رئيكن بهل انجاز العظيم لقد ستطاع ان يحرق نك ب 100دولار يعني 5000ل س الشب لنحرق نكو بعد 24 ساعه كان نكو راجع د شو صار بصاحبنا هداك تخوزق صح رجع مره تانيه لعند لستاف قلو رجاع حرقو لستاف قلو 150 دولا دفع 150 دولا طبعا كان يرسلو نقاط المهم حترق النك $150+$100=250$=12000الف ليره سوري غير الجفتات ل كان يرسلها وهوي عم يحكي لستاف ليرضا يرد عليه الجماهير الكادحه ل ب الميغ قالت عنو والله فلان بيحرق نكات وطلعت هل سمعه عليه وهوي نبصت بس بربكن مانو اكبر جحش لكن حدا بيدفع 12000الف ليره كرمال يلغي حساب؟ يعني هاد الشب اذا بدو يحرق كل شي بيكرهو ب الميغ كام بدو يدفع ؟(مبلغ خيالي) انا من ناحيتي ما شفت حقوق للمستخدم بهل شركه ابدا متل ما قال نايت دفاع مصاري بتاخد ل بدك ياه ولستاف هوي مجرد موظف ب الشركه لازم يكون محترم مهنتو وحقو ق الناس وما يكون مرتشي و المفروض تكون شغلتو تدارك الاخطاء الموجوده مو شي 2 وأحلا شي هلأ شغلة التوب بروفايل أل مين بدو يكون بروقايلو اكتر شي فيه جيفتات او ميغ لفلو عالي او لايكاتو انا بعرف ..loly شوفها عندها شي 50 الف جيفت لنفرض انو الجيفت ب ليرا بس = 50 الف ليرا سألتها مره انتي كيف عم تساولي لتلمي كل هل جيفتات قالتلي بستأجر كيكر قال بتعطي شي كيكر (كيكر = الراجل ل بيطرد الناس بستخدام جييش ) 5000نقطه بعبي الجيش تبعو وببلش يبعتلها جيفتات من الجيش يعني بساعه بتجيب شي 1000جيفت سألتها كم صرتي دافعه حق نقاط لهلأ قالتلي بتصرف ب الشهر حوالي 800دولار يعني40 الف حلوين هلأ اكيد نايت عم يقول يا ريتها تكون من زبوناتي خخخخخ 40 الف ليره بتعيش اقل شي عيلتين بسوريا وشي 10 عيل ب اندونيسيا صح بس مشان يقال عنها الاولى ب ارسال واستقبال الجيفت يعني شوفو لهل سمعه العظيمه جد شغله بترفع الراس هي اكيد بتروح لعند ابوها وامها وبتقلن تعو تعو شوفو بروفايلي كلو جفتات وبقلا ابوها برابو عليكي يا بنتي اكيد ما!!!!! ولا هدول لبيتركولي نكاتن مفتوحه 24/24 مشان يعلا اليفل طيب يا اساتذه اذا بدكن تفتو نكاتكن 24 ساعه لنفرض وسطياب اليوم 200 وحده بس يعني 150 ليره لنقول بس 150×30 =4500ل س بيجيك فوقها شي ب 1000ل س حق جيفتات مشان تساعدو ارسال الجيفتات بسرعة علو اليفل يعني 5500ل س بس مشان يقولو الناي ليكو فلان قديم ولفلو عادي كمان هاد بروح لعند أهلو بارجين بروفايلو بقولولو برافو و في بعضن قال فهمانين بقولو انا خطي 3ج وبيشترو جوال 2 بس كرمال يدخلو ع الميغ ويفوتو ويقولو نايس ووب اي بقص ايدي اذا بيعرفو يبحثو عن غنيه ب النت ما بدنا نقول شي 2 يعني بجد متل ما قال نايت انو الجيفتات شغله لازم تكون رمزيه مو تجاره متل ما عم نعمل أغلبنا انا من ناحيتي حذفت كل لفرند من نكي الاساسي من شي شهرين وما عاد فتت فيه ولا عاد شتريت نقاط متل اول و نايت بيعرف هل شي لان الناس صارت ب النت بعد ما طلعت شغلت اليفل و الجيفتات للأسف ما عاد همها غير جمع لايك و جيفت وصار حديثهن الوحيد هل شي انتو بجوز هل شي بناسبكن او تأقلمتو معو بس للاسف انا ما قدرت بتمنا متل ما قال نايت تخففو شراء رصيد و تخففو فوته ع الميغ يعني بجد اغلبيتنا عم نعلق مع اهلينا كرمال القعدهع الميغ ل فترات طويله ومشكور نايت ع موضوعك الحلو
ومبروك عليك ربحك الشهري 1000دولار لي عم تكسبو من غباء المستخدم السوري
وما فينا نقلك بطل بيع لان اذا بطلت انت غيرك بصير ببيع وهيك الدنيااااا
واسف لردي الطويل وبعرف انو في حكي بلا طعمه بس ما حكيت الا الصحيح
مرحباً بك في موقع الميغ العربي ، ندعوك إلى التسجيل في الموقع ، التسجيل مجاني و لن يأخذ من وقتك إلا دقائق قليلة
بصراحة هنة تركو كل شي تحديثات مهمة وركدو ورا الي بتجبلهم مصاري 
_16.png "بوسة")
)
أل مين بدو يكون بروقايلو اكتر شي فيه جيفتات او ميغ لفلو عالي او لايكاتو 
